2/18/2010

Tony Zarb

Secretary General

Print

L-Għaqda Unions Maltin, li hi magħmulha mill-GWU u l-Forum Unions Maltin, fl-ewwel attivi­tà tal-massa li qegħdin norga­nizzaw flimkien, qegħdin in­sej­ħu lill-poplu biex, nhar il-Ħadd, 28 ta’ Frar, 2010, fit-3.30 p.m. niltaqgħu l-Belt biex nagħm­lu manifestazzjoni ta’ protesta kontra l-piżijiet kbar li se jintefgħu fuq il-poplu biż-żieda tat-tariffi tad-dawl u tal-ilma.

Din il-protesta se ssir ftit żmien qabel il-Parlament jivvo­ta dwar it-tariffi.

B’din il-protesta l-poplu jrid juri s-saħħa tiegħu u juri d-dwej­jaq tiegħu dwar is-sitwaz­zjoni li l-Gvern ġabu fiha.

Din hi opportunità tal-po­plu li, minflok joqgħod igerger f’daru, juri biċ-ċar li għall-po­plu mhux aċċettab­bli li l-Gvern ikompli għaddej qisu romblu minn fuq l-istess poplu.

Bħala Għaqda Unions Maltin lesti li nkunu mhux wara l-poplu iżda quddiem il-po­plu biex niddefenduh mill-qagħ­da li jinsab fiha.

Nhar il-Ħadd, 28 ta’ Frar, post il-poplu hu l-Belt. Iva, hemm bżonn li l-poplu jid­-de­dika sagħ­tejn mill-ħin tie­għu biex ikun hu li jipprotesta u juri l-għadab tiegħu għall-mod kif qed jiġi trattat.

Din hi s-siegħa tal-poplu u issa sta għall-istess poplu jekk bis-serjetà jridx juri s-saħħa tiegħu. Il-poplu jrid jif­takar li hu l-istess poplu li hu sovran fuq kulħadd u finalment dak li jrid il-po­plu għandu jseħħ.

Aħna bħala unjins nistgħu nagħm­lu ħafna affari­jiet biex niddefendu lill-poplu imma aħna rridu naraw jekk il-poplu mhux vera lest li bi ħġaru jwie­ġeb għal kull sejħa li tista’ ssirlu. Nhar il-Ħadd, 28 ta’ Frar, fil-Belt hi ok­ka­żjoni għall-poplu li jsemma’ leħnu.

Hu dritt de­mokratiku ta’ kull poplu li jsemma’ leħnu mit-toroq. Qed ngħid dan għax issa nib­dew nisi­mgħu lill-Gvern u l-allea­ti tiegħu, anke saħansitra xi unjin, li jgħidu li mhux sew li l-poplu jitniżżel fit-toroq għax issir il-ħsara, meta l-ħsara qiegħda ssir lill-istess poplu meta qed jiġi mgħob­bi b’piżijiet li ma jif­laħx.

Lill-poplu ngħidulu biex ma jagħtix kas dawn l-oqbra mbajda li minflok jaraw kif jiddefendu lill-poplu jaraw kif se jaqtgħulu qalbu biex ma joħroġx jipprotesta.

L-appell tagħna lill-poplu hu biex ma jħalli lil ħadd jaqtagħlu qalbu biex nhar il-Ħadd, 28 ta’ Frar, joħroġ jippro­testa fil-Belt.

Hu dritt tal-poplu li jippro­testa u għalhekk nappellaw lill-ħaddiema, pensjonanti u l-familji tagħhom, kif ukoll il-poplu inġenerali biex iżommu vojt nhar il-Ħadd, 28 ta’ Frar, fit-3.30 p.m. biex niltaqgħu l-Belt u nuru s-saħħa tal-poplu. Jekk inkunu flimkien kollox pos­sibbli.

Jekk inkunu b’saħħitna ħadd u xejn mhu se jwaqqaf lill-poplu.

Kuraġġ Poplu – issa li għandek din l-opportunità li turi d-dwejjaq u t-tbatija tiegħek m’għandekx titlef din l-okkażjoni.

Din se tkun okkażjoni li l-poplu qed jistenna. Din se tkun okkażjoni fejn leħen il-poplu se jasal għand il-Gvern li, min-naħa tiegħu, għandu jagħti kas għall-messaġġ tal-poplu.