8/11/2010

Tony Zarb

Secretary General

Print

Dan l-aħħar kelli l-okkażjoni li niltaqa’ ma’ grupp ta’ ħad­diema li ġejjin minn diversi oqsma ta’ xogħol differenti. Magħhom kelli l-opportunità li, mhux biss nisma’ min għandhom il-problemi li jħabbtu wiċċhom magħhom fuq il-post tax-xogħol, imma wkoll kif dawn il-ħaddiema jħarsu lejn l-unjin tagħna u x’jippretendu mill-istess unjin. Wieħed minn dawn il-ħaddiema li ġej mill-qasam tal-elettronika qalli li huwa jixtieq li l-GWU tkompli tħares l-impjiegi tal-ħaddiema kif ukoll jixtieq jara lill-GWU tinvolvi ruħha f’kwis­tjonijiet ta’ livell nazzjonali. Min-naħa tiegħu qal li huwa jara li l-unjin għadha relevanti għax kieku ma kinitx il-GWU, il-ħaddiema marru ferm u ferm agħar.

Tfajla ħaddiema oħra qalet li tixtieq li tara lill-unjin aktar attiva fejn għandhom x’jaqsmu n-nisa fuq il-post tax-xogħol. Hija qalet li kemm-il darba semgħet stqar­rijiet min-naħa tal-unjin dwar in-nisa fuq il-post tax-xogħol imma hija taħseb li, bħala GWU, tista’ tagħmel aktar. Hija qalet li, bħala omm żagħżugħa u li għandha tarbija, qiegħda ssibha ferm diffiċli biex tieħu lit-tarbija tagħha f’‘child care centre’ għax ma tistax taffordja li, parti sostanzjali mill-paga tagħha, jkollha tħallasha għas-servizzi taċ-‘child care’. Hawn joħroġ l-argument li l-GWU ilha tagħmel u hemm bżonn li ċ-ċentri fejn jin­żammu t-tfal għandhom ikunu aċċessibbli, speċjalment min-naħa finanzjarja.

Fost il-grupp ta’ ħaddiema li ltqajt magħhom kien hemm koppja żagħżugħa li t-tnejn li huma jaħdmu b’kuntratt tax-xogħol definit. Huma qaluli li, meta ġew impjegati, kellhom diffikultà biex jiffirmaw il-kuntratt tax-xogħol għax, min iħaddimhom, ma tahomx l-opportunità li jieħdu parir qabel ma jiffirmaw. Min-naħa tagħna għednielhom li, bħala GWU, aħna nagħtu servizz lill-ħaddiema. Huma ħafna dawk il-ħaddiema li jirrikorru għandna bħala unjin biex nagħtuhom pariri dwar il-kuntratt tax-xogħol.

Kien hemm ukoll żewġ ħaddiema ta’ età avvanzata. Dawn tkellmu magħna dwar l-esperjenza twila tagħhom fid-dinja tax-xogħol. Huma tkellmu fis-sens ta’ kif raw il-ħidma tal-GWU matul iż-żmien u kif il-GWU rnexxielha taddatta ruħha għaż-żminijiet, mingħajr ma nsiet il-prinċipji tagħha.

Dan il-grupp ta’ ħaddiema tkellmu wkoll fuq il-problemi u d-diffikultajiet li jħabbtu wiċċhom magħhom fuq il-post tax-xogħol u stqarrew bl-aktar mod ċar li hawn il-GWU għandha tkompli turi l-qawwa tal-ħidma tagħha. Kien ta’ sodisfazzjon għalina li l-messaġġ li tawna dawn il-ħaddiema kien wieħed ċar li jridu li l-GWU tkompli taħdem fl-interess tal-ħaddiema u l-familji tagħhom. Min-naħa tagħna se nkomplu naħdmu fl-interess tagħhom u tal-familji tagħhom.



Messaġġ

Il-messaġġ tagħna llum imur lejn dawk il-ħaddiema kollha li jinsabu bil-vaganzi tas-sajf. Lil dawn il-ħaddiema nawgurawlhom vaganzi mill-isbaħ mimlijin ġid, hena u saħħa.

Dan l-aħħar kelli l-okkażjoni li niltaqa’ ma’ grupp ta’ ħad­diema li ġejjin minn diversi oqsma ta’ xogħol differenti. Magħhom kelli l-opportunità li, mhux biss nisma’ min għandhom il-problemi li jħabbtu wiċċhom magħhom fuq il-post tax-xogħol, imma wkoll kif dawn il-ħaddiema jħarsu lejn l-unjin tagħna u x’jippretendu mill-istess unjin. Wieħed minn dawn il-ħaddiema li ġej mill-qasam tal-elettronika qalli li huwa jixtieq li l-GWU tkompli tħares l-impjiegi tal-ħaddiema kif ukoll jixtieq jara lill-GWU tinvolvi ruħha f’kwis­tjonijiet ta’ livell nazzjonali. Min-naħa tiegħu qal li huwa jara li l-unjin għadha relevanti għax kieku ma kinitx il-GWU, il-ħaddiema marru ferm u ferm agħar.

Tfajla ħaddiema oħra qalet li tixtieq li tara lill-unjin aktar attiva fejn għandhom x’jaqsmu n-nisa fuq il-post tax-xogħol. Hija qalet li kemm-il darba semgħet stqar­rijiet min-naħa tal-unjin dwar in-nisa fuq il-post tax-xogħol imma hija taħseb li, bħala GWU, tista’ tagħmel aktar. Hija qalet li, bħala omm żagħżugħa u li għandha tarbija, qiegħda ssibha ferm diffiċli biex tieħu lit-tarbija tagħha f’‘child care centre’ għax ma tistax taffordja li, parti sostanzjali mill-paga tagħha, jkollha tħallasha għas-servizzi taċ-‘child care’. Hawn joħroġ l-argument li l-GWU ilha tagħmel u hemm bżonn li ċ-ċentri fejn jin­żammu t-tfal għandhom ikunu aċċessibbli, speċjalment min-naħa finanzjarja.

Fost il-grupp ta’ ħaddiema li ltqajt magħhom kien hemm koppja żagħżugħa li t-tnejn li huma jaħdmu b’kuntratt tax-xogħol definit. Huma qaluli li, meta ġew impjegati, kellhom diffikultà biex jiffirmaw il-kuntratt tax-xogħol għax, min iħaddimhom, ma tahomx l-opportunità li jieħdu parir qabel ma jiffirmaw. Min-naħa tagħna għednielhom li, bħala GWU, aħna nagħtu servizz lill-ħaddiema. Huma ħafna dawk il-ħaddiema li jirrikorru għandna bħala unjin biex nagħtuhom pariri dwar il-kuntratt tax-xogħol.

Kien hemm ukoll żewġ ħaddiema ta’ età avvanzata. Dawn tkellmu magħna dwar l-esperjenza twila tagħhom fid-dinja tax-xogħol. Huma tkellmu fis-sens ta’ kif raw il-ħidma tal-GWU matul iż-żmien u kif il-GWU rnexxielha taddatta ruħha għaż-żminijiet, mingħajr ma nsiet il-prinċipji tagħha.

Dan il-grupp ta’ ħaddiema tkellmu wkoll fuq il-problemi u d-diffikultajiet li jħabbtu wiċċhom magħhom fuq il-post tax-xogħol u stqarrew bl-aktar mod ċar li hawn il-GWU għandha tkompli turi l-qawwa tal-ħidma tagħha. Kien ta’ sodisfazzjon għalina li l-messaġġ li tawna dawn il-ħaddiema kien wieħed ċar li jridu li l-GWU tkompli taħdem fl-interess tal-ħaddiema u l-familji tagħhom. Min-naħa tagħna se nkomplu naħdmu fl-interess tagħhom u tal-familji tagħhom.



Messaġġ

Il-messaġġ tagħna llum imur lejn dawk il-ħaddiema kollha li jinsabu bil-vaganzi tas-sajf. Lil dawn il-ħaddiema nawgurawlhom vaganzi mill-isbaħ mimlijin ġid, hena u saħħa.