News

Seminar bejn il-GWU u s-CGIL: Ħaddiema żgħażagħ jiddiskutu x-xogħol

Żgħażagħ minn diversi pajjiżi fil-Mediterran ilbieraħ bdew jiddiskutu l-kundizzjonijiet tax-xogħol tal-ħaddiema żgħażagħ fir-reġjun Ewro-Mediterranju f’seminar organizzat bejn il-GWU u l-Confederazione Generale Italiana del Lavoro (CGIL).

Is-seminar infetaħ ilbieraħ b’introduzzjoni tad-Deputat Segretarju Ġenerali (Internazzjonali) Michael Parnis segwit b’diskorsi ta’ Serena Sorrentino, Segretarju tac-CGIL Nazionale; Vince Marmara, Segretarju tal-GWU Youths u s-Segretarju Parlamentari għall-Konsumaturi, Kompetizzjoni Ġusta, Kunsilli Lokali u Konsultazzjoni Pubblika Chris Said.

Is-seminar ikompli llum b’diskussjoni fost il-parteċipanti dwar ix-xogħol prekarju u l-ħaddiema żgħażagħ fl-isfond tal-kriżi ekonomika u soċjali li fost oħrajn laqtet l-Ewropa u l-Mediterran.

Se jsiru wkoll diskorsi kemm mis-Segretarju Ġenerali tas-CGIL Campagnia Michele Gravano kif ukoll dak tal-GWU Tony Zarb.