News

Ikompli jitnaqqar il-livell tal-ghajxien

Il-mod ta’ kif qed joghlew il-prezzijiet partikularment ta’ oggetti essenzjali qed ikompli jaghti ragun lill-General Workers Union fl-insistenza taghha li l-kumpens ghall-gholi tal-hajja ghandu jibda jinghata darbtejn fis-sena u mhux darba kif qed isir bhalissa sabiex iktar iqarreb lejn ir-realta’ li ta’ kuljum  jiffaccjaw il-familji Maltin. Mhux hekk biss imma l-GWU qed tinghata ragun ukoll ghall-proposta taghha fid-dokument li ressqet lill-partiti politici biex il-basket ta’ prodotti u servizzi li fuqu tigi mkejla l-inflazzjoni jickien biex ic-caqlieq li jkun hemm fil-prezzijiet ikun rifless b’mod effettiv fil-kumpens ghall-gholi tal-hajja.

Il-GWU qed tistqarr dan wara li mil-lum ghola  sostanzjalment il-prezz tal-halib u ghola wkoll l-prezz tal-petrol minghajr comb. Fir-rigward taz-zieda fil-prezz tal-halib il-GWU tkompli tinkwieta billi dan huwa oggett essenzjali uzat kuljum mill-familji irrispettivament mid-dhul taghhom u meta oggetti essenzjali bhal dan joghlew fil-prezz tkun qed tinghata daqqa l-isfel b’iktar gravita lil-livell tal-ghajxien ta’ dawk kollha li d-dhul taghhom huwa baxx.

Filwaqt li l-GWU tifhem li certu gholi tal-prezzijiet ma hux kontrollabbli ghaliex ikun gej minn barra, b’danakollu, dan il-fatt ma jiggustifikax li ma jittiehdux mizuri biex l-impatt taz-zieda fil-prezzijiet jinhass mill-inqas fuq il-familji iktar u iktar meta huwa maghruf li ghal hafna zmien Malta kklasifikat fost l-iktar pajjizi bl-ghola, jekk mhux l-oghla, inflazzjoni fl-Unjoni Ewropea.

Dan il-fatt mhux biss qed jitfa iktar tbatija fuq il-maggoranza tal-familji imma wkoll qed inaqqrilhom dejjem iktar mill-kapacita taghhom ghall-konsum b’detriment ghalihom biex jghixu hajja dicenti.